الش جامد ج3

______________________________
مسطول راح المحكمة فالقاضي بيقوله أنت متجوز قاله أيوه،القاضي قاله متجوز مين المسطول قاله واحد، القاضي قاله أنت هتهرج في حد بيتجوز راجل قاله أيوه أختي.
ـــــــــــــــــــــــــــــــ
مسطول بيقول لصاحبه إمبارح شفت فيل أحمر طاير فوق عمارتنا صاحبه قاله يا كذاب هو فيه فيل أحمر.
ـــــــــــــــــــــــــــــــ
مسطول راح محطة بنزين لقي شلة بنات واقفه حب يترسم قاله إملالي بـ 500 جنيه بنزين.
ـــــــــــــــــــــــــــــــ
مسطول أتصل بنمرة قالهم محمود موجود قالوله لأ النمرة غلط قالهم مادام غلط بتردوا ليه .
ـــــــــــــــــــــــــــــــ
مساطيل دخلوا متحف لقوا هيكل عظمي مكتوب عليه 1600 ق.م فواحد بيسأل الثاني إيه 1600 ق.م دي قاله تلاقيها رقم العربية اللي خبطته.
ـــــــــــــــــــــــــــــــ
مسطول ماشى لقي زحمة جامدة أوي فبيسأل فيه إيه قالوله دول بتوع الأرصاد بيشوفوا هلال رمضان فالمسطول طلع وقف معاهم وهم مش لاقيين الهلال فالمسطول بيبص كده لقي الهلال راح قايلهم أهه الهلال أهه أنبسطوا منه أوى وأدوله 10 جنيه فرح أوى راح باصص الناحية التانيه وقايلهم فيه هلال تانى أهه.
ـــــــــــــــــــــــــــــــ
محامي مسطول واقف قدام القاضي بيقوله ياسيادة القاضي القانون ينص.. يا ربع.. يا ثُمن.
ـــــــــــــــــــــــــــــــ
مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
ـــــــــــــــــــــــــــــــ
مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ في القسم إن العربية أتسرقت بعد شويه أتصل بالقسم قالهم إلغوا البلاغ أصل أنا كنت راكب ورا.

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع



مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب.



مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته



مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته



مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل





واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز



مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى



مرة واحد بخيل شقتة ولعت ادى للمطافى رنة